Helsetilsynet i fylket fører tilsyn med helseteneste og helsepersonell.
Oppgavene er å
- føra tilsyn med verksemder, kommunar og helseføretak. Nokre tilsyn kvart år høyrer med i landsomfattande tilsyn;
- gje råd til helsetenestene i samband med tilsyn;
- behandla einskildsaker med spørsmål om svikt i helsetenesta. Slike saker kan koma opp på grunnlag av klager frå pasientar, medieoppslag, førespurnader frå andre delar av helsetenesta o.a. Sakene kan enda med kritikk mot verksemda eller reaksjon mot bestemte helsepersonell
- behandla klagesaker om rettane til innbyggjarane – fyrst og fremst etter pasientrettslova og kommunehelsetenestelova;
- ta imot og vurdera meldingar om skadar, uhell og nestenuhell (§ 3-3 i spesialisthelsetenestelova);
- ta imot og vurdera all vesentleg informasjon om helseteneste og helsetilstand innan smittevern og på andre område.
Det viktigaste lovgrunnlaget for Helsetilsynet i fylka er lov om statlig tilsyn med helsetjenesten, der det i §§ 2 og 3 mellom anna står:
|
”Helsetilsynet i fylket skal føre tilsyn med alt helsevesen og alt helsepersonell i fylket og i tilknytning til tilsynet gi råd, veiledning og opplysninger som medvirker til at befolkningens behov for helsetjenester blir dekket.
Helsetilsynet i fylket skal holde Statens helsetilsyn orientert om helseforholdene i fylket og om forhold som innvirker på disse.
-------
Helsetilsynet i fylket skal påse at alle som yter helsetjenester har etablert internkontrollsystem og fører kontroll med sin egen virksomhet på en slik måte at det kan forebygge svikt i helsetjenesten.” |
I tilsynet med helseføretak som dekkjer fleire fylke (fylkesovergripande helseføretak), samarbeider Helsetilsynet i fylka. Slik ynskjer tilsynsorganet å opptre samla overfor dei som tilsynet rettar seg mot. I helseregion Vest er det Helsetilsynet i Rogaland som samordnar kontakten med Helse Vest RHF.
Lenkjeliste
Sist endra 4.5.2004