Rapport frå tilsyn med legemiddelhandteringa på sjukeheimen og heimesjukepleien i Eidfjord kommune 2010 - avslutting av tilsynet

Vi viser til tidlegare korrespondanse og takkar for retur av utfylt spørjeskjema innan fristen.

Tilsynet blei gjennomført ved at helsetenesta vurderte eigne rutinar for legemiddelhandtering opp mot krava i legemiddelhandteringsforskrifta av 1. mai 2008.

Verksemdene gav deretter tilbakemelding på om eigne rutinar er i samsvar med krava.

Dersom det viste seg at ikkje alle krava var oppfylte, skulle verksemda lage ein plan for retting.

Helsetilsynet i Hordaland sende tidlegare i haust ut seks spørjeskjema til sjukeheimar og/eller heimesjukepleie i til saman fem kommunar. Frå to verksemder fekk vi tilbakemelding om at den ansvarlege for legemiddelhandteringa vurderer rutinane å vere i samsvar med regelverket. Fire verksemder har funne manglar og har lagt ved plan for retting.

Tilsynet blei gjennomført av rådgjevar Arne Erstad og fylkessjukepleiar Laila Nordheim Alme (leiar).

I tilbakemeldinga frå Eidfjord kommune blir det opplyst at eigne rutinar for legemiddelhandtering på sjukeheimen og i heimesjukepleien er i samsvar med krava i forskrifta.

Tilsynet blir avslutta.

Vi takkar for godt samarbeid i samband med gjennomføring av tilsynet. 

Generell kommentar på bakgrunn av dokumentasjon frå fleire ulike verksemder

Det kan sjå som verksemdsleiarar ikkje alltid gjer individuelle vurderingar av sjukepleiarar og vernepleiarar med tanke på om den einskilde er kvalifisert til å utføre bestemte oppgåver i legemiddelhandteringa. Det er eit krav i forskrifta at namna på dei som er tildelt dei ulike oppgåvene i legemiddelhandteringa, og kva oppgåver den einskilde er tildelt, skal gå klart fram av rutinane. Dette gjeld også for sjukepleiarar og vernepleiarar.

Helga Arianson
fylkeslege Laila Nordheim Alme
fylkessjukepleiar