Helsetilsynet

Vi viser til tidlegare korrespondanse og takkar for retur av utfylt spørjeskjema innan fristen.

Tilsynet blei gjennomført ved at helsetenesta vurderte eigne rutinar for legemiddelhandtering opp mot krava i legemiddelhandteringsforskrifta av 1. mai 2008. Verksemdene gav deretter tilbakemelding på om eigne rutinar er i samsvar med krava. Dersom det viste seg at ikkje alle krava var oppfylte, skulle verksemda lage ein plan for retting.

Helsetilsynet i Hordaland sende ut ti spørjeskjema til sjukeheimar og/eller heimesjukepleie i til saman åtte kommunar. Frå fem verksemder fekk vi tilbakemelding om at den ansvarlege for legemiddelhandteringa vurderer rutinane å vere i samsvar med regelverket. Fem verksemder har funne manglar og har lagt ved plan for retting.

Tilsynet blei gjennomført av rådgjevar Arne Erstad og fylkessjukepleiar Laila Nordheim Alme (leiar).

Granvin sjukeheim har gitt tilbakemelding om to avvik: 

  1. Verksemda har ikkje oppdaterte rutinar for legemiddelhandtering 
  2. Rutinane for avviksrapportering som gjeld legemiddelhandteringa er ikkje gode nok.

I plan for retting går det fram at det blir arbeidd med å lage rutinar, i nært samarbeid med tilsynsfarmasøyt.

Innan 1. oktober 2010 ber vi om å få tilsendt kopi av oppdaterte prosedyrar for legemiddelhandteringa, inkludert avvikshandtering. Vi ber og om å få ein plan for implementering av dei nye rutinane i sjukeheimen.

Vi takkar for godt samarbeid i samband med gjennomføring av tilsynet.

Generell kommentar på bakgrunn av dokumentasjon frå ti ulike verksemder

Det kan sjå som verksemdsleiarar ikkje alltid gjer individuelle vurderingar av sjukepleiarar og vernepleiarar med tanke på om den einskilde er kvalifisert til å utføre bestemte oppgåver i legemiddelhandteringa. Det er eit krav i forskrifta at namna på dei som er tildelt dei ulike oppgåvene i legemiddelhandteringa skal gå klart fram av rutinane. Dette gjeld også for sjukepleiarar og vernepleiarar.

Med helsing

Helga Arianson 
fylkeslege
Laila Nordheim Alme
fylkessjukepleiar