Skodje kommune - Tilsyn med legemiddelhandtering i tenesta til eldre svar på sjølvmeldingstilsyn 2010
Oppfølging av tilsynet
Ved dette tilsynet blei det konstatert avvik frå lov eller forskrift. Tilsynsmyndigheita har vurdert dei tiltaka som er sette i verk som tilstrekkelege. Tilsynet er derfor avslutta.
Helsetilsynet i Møre og Romsdal syner til brev, datert 09.09 og 07.10.2010, og takkar for retur av utfylt spørjeskjema innan fristen.
Tilsynet vart gjennomført ved at kommunen vurderte eigne rutinar for legemiddelhandtering i institusjon og heimeteneste, opp mot krava i legemiddelhandteringsforskrifta av 1. mai 2008. Kommunen skulle lage ei plan for retting dersom det viste seg at ikkje alle krava var oppfylte.
Skodje kommune oversendte sine svar, datert 28.10.2010. Både frå sjukeheimen og frå heimetenesta er det meldt tilbake at tilsynet har avdekt svikt i rutinane som skal sikre at personell dokumenter at pasienten har teke legemidlet. Skodje kommune skulle ut frå dette ha utarbeidd ei plan for retting av denne mangelen.
Helsetilsynet kan ikkje sjå å ha mottatt ei slik plan og ber difor om å få den oversendt innan 17. januar 2011.
For nærmare informasjon om kva plana skal innehalde sjå oversikt over krava i lovgjevinga i høve til det enkelte spørsmål (fasit) som vart oversendt den 01.10.2010.
20.12.2010
Med helsing
Christian Bjelke
Direktør/fylkeslege Einar Andersen
Seksjonsleiar
Kopi:
Statens Helsetilsyn
Saksbehandlar:Rådgiver Janne Helen Bjørsnøs