Njuike váldosisdollui

Váldofállu

Historjjálaš arkiiva Dát sisdoallu lea vurkejuvvon iige ođasmahttojuvvo.

Geavada iskan – duogáš ja ulbmil

Fylkkamánniid bajit orgánan váiddaáššegieđahallamis sosialbálvaluslága olis lea Stáhta dearvvašvuođageahčus ovddasvástádus das ahte váidagat gieđahallojuvvojit dohkálaččat ja ahte váidi riektesihkarvuohta vuhtii váldojuvvo. Danne go vuoigatvuohta sosialbálvaluslága 4. kap. olis maiddái fátmmasta bálvalusaid vuostáiváldiide geat dárbbašit veahki beaivválaš doaimmain, de lea sidjiide áibbas dárbbašlaš ahte veahkki addojuvvo rievttes meari mielde ja rievttes áigái.

Dán guorahallamis leat registreren ja guorahallan fylkkamánneásahusa mearrádusaid 2009:s, váiddaáššiin sosialbálvaluslága 4. kapihttala olis, namalassii rievdaduvvon ja duššindakkojuvvon mearrádusaid.

Deaŧaleamos gávnnaheamit

Guorahallan čájeha ahte čoavddus ”duššindahkan ja máhcaheapmi suohkanii” dagaha ahte áššemeannudanáigi guhku sakka.

Gaskamearálaččat lei áššemeannudanáigi  86 beaivvi rievdaduvvon mearrádusaid dáfus, muhto lei 170 beaivvi mearrádusaid dáfus mat duššindahkkojuvvojedje ja máhcahuvvojedje suohkanii, namalassii beali guhkit vuordináigi váidagiid dáfus maid Fylkkamánni duššindahká ja máhcaha suohkanii.

Riikkadásis máhcahuvvui suohkaniidda 36 proseanta mearrádusain mat eai dohkkehuvvon , muhto vástideaddji lohku rievdaduvvon mearrádusaid dáfus lei 64 proseanta.