Helsetilsynet

Jagis 2004 leat registrerejuvvon 2 056 dáhpáhusa maid lei geatnegasvuohta diedihit Fylkka dearvvašvuodagehccui, spesialistadearvvašvuodabálvaluslága § 3-3 mielde (registerejuvvon pr. juovlamánu 1. b. 2005).

Diedihemiid lohku lea 2001 rájes 2004 rádjái lassánan 51 proseanttain.

Sullii goalmmádasoassi diediheamiin leat mearkkašahtti olmmošvaháguvvamat, ja badjel bealli diedihemiin ledje dilálašvuodaid birra mat livcce sáhttán dagahit mearkkašahtti vahága olbmuide.

Leat registrerejuvvon 176 diedáhusa eahpelunddolaš jápmimiid birra. 40 proseanttas dáin diedihemiin lea registrerejuvvon ahte jápmin dáhpáhuvai dearvvašvuodaveahki attidettiin, ja 41 proseanttas lea registrerejuvvon ahte olmmoš jámii iešdagolaš vahágahttimiid geažil.

Njealjádasoasis buot diedihemiin leat dáhpáhusat maid sivvan lea dálkasiid boasttu geavaheapmi.

43 proseanta diedáhusain lea registrerejuvvon ahte divššohassii lea muitaluvvon vahága birra, ja 10 proseanttas lea registrerejuvvon ahte divššohassii lea muitaluvvon Norsk Pasientskadeerstatning (Norgga divššohasbuhtadusa) birra.

Stáhta dearvvašvuodageahccu atná buorren go diedáhusaid lohku lea lassánan. Liikká lea ain nu ahte ollu diedihangeatnegas dáhpáhusat eai diedihuvvo. Buori sihkarvuodabarggu eaktun lea rabasvuohta sávakeahtes dáhpáhusaid, vahágiid ja goasiivahágiid birra, ja systemáhtalaš diehtojuohkin. Dát gáibida buori diedihandábiid, ja ahte jodiheaddjit calmmustahttet ja ovdánahttet dákkár systemáhtalaš barggu.

Diedihanguovddáža dieduid ferte várrogasvuodain dulkot, dan dihte go diehtogiedahallamis sáhttet leat cuožžilan boasttovuodat. Liikká oaivvildit mii ahte diedáhusat addet ávkkálaš dieduid, maid sáhttá ávkin atnit kvalitehta buorideami barggus ja spesialistadearvvašvuodabálvalusa geahcus.

Viecca raportta (pdf)
Summary in English