Helsetilsynet

Lea stuora dearvvašvuođaváttisvuohtan go boares olbmuin doddjojit dávttit. Diekkár doddjomiin leat duođalaš váikkuhusat, bákčasat ja givssit, muhto sáhttet maid dagahit olbmo dárpmeheapmin, oanidit eallinagi, dagahit eambbo veahkkedárbbu ja institušuvdnadivššu.

Riikkaviidosaš bearráigeahčus jagiin 2011-2012 guorahalai fylkkaid Dearvvašvuođageahčču journálaid dárpmehis vuoras pasieanttain geat leat leamaš doadján norasdávtti. Ollu dárkkistemiin gávnnahuvvojedje váilevuođat journálain pasieanttaid dálkkasgeavaheami ja borrandilálašvuođaid birra ja das mo delir (fáhkka miellamoivi) gieđahallojuvvui.

Doppe gos fylkka Dearvvašvuođageahčču gávnnai váilevaš journálačállima, gohččojuvvojedje dearvvašvuođadoaimmahagat iskat iežaset doaimmas ahte lea go journálanjuolggadusaid rihkkun mearkan dasa ahte sin doaibma maiddái rihkku lága. Maŋŋel doaimmahagaid čuovvoleami oaidnit mii ahte doppe gos lea váilevaš journálačállin, lea maiddái váilevaš geavat, ja ahte meastta buot doaimmahagat oidne dárbbu čađahit rievdadusaid vai dát pasieantajoavku váldojuvvogoahtá buorebut váras.

Lea lunddolaš jearrat guoská go dát maiddái eará geriatralaš pasieantajoavkkuide. Stáhta dearvvašvuođageahčču vuordá ahte dearvvašvuođadoaimmahagat ieža isket dien, ja jus dárbbašlaš, de álggahit doaimmaid mat sihkkarastet doarvái buori divššu guoskevaš pasieanttaide. Dálkkasgeavaheapmi, delir ja borrandilálašvuođat eai guoskka dušše pasieanttaide geat leat norasdávtti doadján,  muhto buot dárpmehis vuorrasit pasieanttaide. 

Viecca raportta (pdf)
Sammendrag på norsk
Summary in English