Helsetilsynet

Sihkkarastet go Norgga suohkanat stivremiin ja jođihemiin Gealbudahttinprográm¬mabarggu Nav-kantuvrrain vai dahkkojuvvo nu ahte sii geain lea riekti prográmmii ožžot dan? Leatgo prográmmat heivehuvvon individuálalaččat, ja čuovvolit go oasseváldiid doarvái bures? Man olu leat geavaheaddjit mielde proseassain?

Fylkkamánni čađahii 2013:s ja 2014:s riikkaviidosaš geahču dan ektui movt suohkanat barget Gealbudahttinprográmmain Nav-kantuvrrain.

Meaddimat suohkaniid barggus sáhttet dagahit ahte eai buohkat geain lea riekti oažžut Gealbudahttinprográmma, oaččo dan, dahje ahte prográmma sisdoallu ii leat heivehuvvon oasseváldái. Sáhttá maid čuohcat mihttomeari olaheapmái jus oasseváldi ii čuovvuluvvo doarvái. Sis geain lea riekti oažžut prográmma sáhttet oažžut dan okte. Dan dihte lea dárbbašlaš ahte sisdoalu ja čuovvuleami bargu čađahuvvo dohkálaččat.

Dás mii čoahkkáigeassit čohkkejuvvon bohtosiid 90 raporttas geahčus, ja dán 90 suohkanis gávdne 76 suohkanis láhkarihkkumiid. Suohkanat eai stivre bálvalusa doarvái bures ahte sáhttet sihkkarastit dohkálaš juohkima, doarvái sisdoalu dahje čuovvuleami. Dehálaš geavaheaddjiváikkuheapmi ii ge vuhtto doarvái.
Suohkanat main ledje láhkarihkkumat, fertejit njulget dáid dihto áigemeari siste. Fylkkamánni čuovvula dáid suohkaniid.

Viecca raportta (pdf)
Sammendrag på norsk
Summary in English