Helsetilsynet

Nuorra olbmot geain leat psyhkalaš gillámušat ja sin ovddasteaddjit leat rašes dilis. Bálvalusa kvalitehtas ja barggu ovdáneamis sáhttá leat mearkkašahtti mearkkašupmi meannudeami bohtosii.

Fylkkamánnit guorahalle 2013:s ja 2014:s movt dearvvašvuođadoaimmahagat sihkkarastet ahte mánáid- ja nuoraidpsykiátralaš poliklinihkaid pasieantajođus lea buorre ovdáneapmi ja bissovašvuohta, ja ahte barggus lea buorre kvalitehta. Geahčču fátmmastii buot pasieantajođu dásiid, muhto guorahallan ja diagnosa bidjan deattuhuvvui.

Geahču bohtosat čájehit ahte dearvvašvuođadoaimmahagat eai bearráigeahččan bálvalusaid doarvái bures. Olu poliklinihkain lei beare olu ovttaskas dikšu árvvoštallamiid duohken movt bargu galggai čađahuvvot ja makkár ovdánemiin. Máŋga jođiheaddji bearráigehčče bálvalusdoaimmaheami beare unnán, eai ge njulgen dohkketmeahttun praksisa. Vaikko ledje rutiinnat, de eai lean álo sajáiduvvon eai ge adnojuvvon. Lei dárbu eanet systemáhtalaš stivrejupmái ja čielgaset jođiheapmái.

Fylkkamánnit čađahedje 23 geahču. Dasa lassin árvvoštalle 85 poliklinihka iežaset praksisa, gos dahke oaivila dan ektui movt sin praksisa vástidii njuolggadusaid gáibádusaide válljejuvvon čuoggáin. Geahčču gávnnai láhkarihkkumiid buot dearvvašvuođadoaimmahagain.

Dearvvašvuođadoaimmahagain lea bajimus ovddasvástádus das ahte lágat ja láhkaásahusat leat oahppásat ja ahte čuvvojuvvot. Bistevaš kvalitehtabuorideapmi gáibida lagas ja systemáhtalaš čuovvuleami dearvvašvuođadoaimmahagain.

Viecca raportta (pdf)
Sammendrag på norsk
Summary in English