Bearraigeahčču bálvalusain hearkkes mánáide ja nuoraide koronapandemiija áiggis
Spesialistadearvvašvuođa dikšokapasiteahta guorahallan psykalaš dearvvašvuođas mánáide ja nuoraide
Dearvvašvuođageahču raporta – čoahkkáigeassu sámegillii 4/2020
Koronapandemiija lea váikkuhan máŋgga geavaheaddjijoavkku bálvalusfálaldahkii. Mánát ja nuorat geain leat psykalaš váttut ja dárbbašit veahki pesialistadearvvašvuođabálvalusas leat hearkkes joavku. Dearvvašvuođabearráigeahčču čuovvu erenoamažit mielde makkár váikkuhusat pandemiijas leat leamaš bálvalusfálaldahkii man hearkkes joavkkut ožžot ja lea dahkan.
Koronapandemiija lea váikkuhan máŋgga geavaheaddjijoavkku bálvalusfálaldahkii. Mánát ja nuorat geain leat psykalaš váttut ja dárbbašit veahki spesialistadearvvašvuođabálvalusas leat hearkkes joavku. Dearvvašvuođabearráigeahčču čuovvu erenoamážit mielde makkár váikkuhusat pandemiijas leat leamaš bálvalusfálaldahkii man hearkkes joavkkut ožžot ja lea dahkan dan dan bokte ahte leat geahčadan loguid Norgga Pasieantaregistaris.
Áigodagas oinniimet čuovvovaš rievdadusaid:
- Buot regionála dearvvašvuođadoaimmahagain njiejai ođđačujuhemiid lohku njukčamánus ja cuoŋománus, miessemánus lassánii fas lohku.
- Buot čujuheamit mat hilgojuvvojedje mannan jagi ledje Gaska Dearvvašvuođa RHF:s.
- Regionála dearvvašvuođadoaimmahagaid gaskkas ledje erohusat árvvoštallandáhkádusa rihkkumiin, muhto ii lean čielga lassáneapmi maŋimuš golbma mánu.
- Vuordináigi oažžut čujuheami árvvoštallojuvvot, guhkkui Davvi Dearvvašvuođas golbma maŋimuš mánu. Daid eará RHF:in guhkkui vuordináigi gaskaboddosaččat, muhto oanui fas miessemánus.
- Riikkaviidosaččat oaidnit ahte áigemeriid rihkkuma logut lassánit guovvamánus cuoŋománnui 2020:s, dat njuolgá cuoŋománus miessemánnui. Áigemeriid rihkkumiid lohku lassánii cuoŋománus miessemánnui Davvi Dearvvašvuođa RHF:s.
Čoahkkáigesson čájehit logut ahte doaimmat ja dikšokapasiteahta mánáide ja nuoraide lea rievdan muhttin dearvvašvuođadoaimmahagain koronapandemiija áiggi. Dearvvašvuođabearráigeahčču mielas lea sivva leat fuolastuvvan go lea leamaš negatiiva ovdáneapmi vuordináiggi ja áigemeriid rihkkumiid dáfus dán hearkkes pasieantajoavkku hárrái maŋimuš mánuid muhttin dearvvašvuođadoaimmahagain.
Mii bivdit danne fylkkamánniid čuovvolahttit guoskevaš dearvvašvuođadoaimmahagaid čielggadan dihte mo áššit duođaid leat ja čuovvulit ahte dearvvašvuođadoaimmahagat doibmiibidjet dárbbašlaš doaibmabijuid