Njuike váldosisdollui

Váldofállu

Historjjálaš arkiiva Dát sisdoallu lea vurkejuvvon iige ođasmahttojuvvo.

Áigodagas 2008-2010 čađahii Dearvvašvuođageahčču bearráigeahču dálkkasteami hárrái 67 buhcciidruovttus.

Duođalaš váilevuođat máŋgga suorggis

51 buhcciidruovttus čájehuvvui ahte guoskevaš láhkagáibádusat eai lean devdojuvvon.
Deaŧalaš ovdamearkkat:

  • Eahpečielga ovddavástádusdilálašvuođat buhcciidruovttu doavttirbálvalusa hárrái
  • Doaktáris menddo unnán áigi čuovvolit pasieantta dálkkasdivššu
  • Dearvvašvuođabargiin menddo unnán áigi ja gelbbolašvuohta dárkut ja dieđihit váikkuhusaid ja liigeváikkuhusaid
  • Eahpečielggas gos journála iešguđet osiin deaŧalaš dálkkasdieđut gávdnojit
  • Dárbbašlaš ja guoskevaš dálkkasdieđuid hárrái lei váilevaš journálačállin
  • Buhcciidruovttu doaktáris lea sierra elektrovnnalaš journálavuogádat man eará dearvvašvuođabargit eai beasa lohkat
  • Buhcciidruovttu jođiheddjiin váilu oppalaš govva dálkkasdivššu riskadiliid hárrái

Pasieantasihkarvuohta lea heittot

Váilevuođat stivrejumi dáfus sáhttet dagahit ahte buhcciidruovttuin ii leat hejoš pasieanttaid dálkkasdikšu doarvái bures fuolahuvvon. Go seamma buhcciidruovttus leat stuora váilevašvuođat doavttirbálvalusas ja journálavuogádagas, eai ge leat lágiduvvon dilálašvuođat dasa ahte dearvvašvuođabargit sáhttet doarvái bures čuovvolit dálkkasdivššu, de lea vuođđu sakka fuolastuvvat pasieantasihkarvuođa dihte.

Máŋga suohkana ja buhcciidruovttu fertejit njulget diliid

Suohkanat fertejit njulget váilevuođaid mat dán bearráigeahčus leat fuomášuvvon. Suohkanat fertejit dál

  • fuolahit ahte buhcciidruovttu doavttirbálvalus lea doarvái viiddis ja lágiduvvon vuohkkasit daid doaimmaid hárrái mat galget čađahuvvot
  • fuolahit ahte dálkkasdikšu sáhttá oadjebas vuogi mielde čađahuvvot
  • ásahit bures doaibmi journálavuogádaga

Dáppe www.helsetilsynet.no gávnnat bearráigeahččoraporttaid sihke dain suohkaniin gos dilálašvuođat ledje dohkálaččat ja raporttaid bearráigeahčuin mat dál leat loahpahuvvon danne go suohkanat leat čađahan doaimmaid ja njulgen váilevuođaid ja boasttuvuođaid mat leat cuiggoduvvon.