Suohkanlaš mánáidsuodjalusa 2011 riikkaviidosaš bearráigeahču čoahkkáigeassu - iskkadeapmi ja evalueren
Dearvvašvuođageahču Raporta 2/2012 čoahkkáigeassu
Sihkkarastet go Norgga suohkanat mánáidsuodjalusbálvalusa barggu iskkademiiguin, veahkkedoaimmaid evalueremiin ja mánáid mielváikkuhemiin? Stáhta dearvvašvuođageahčču čoahkkáigeassá dán raporttas suohkanlaš mánáidsuodjalusa riikkaviidosaš bearráigeahču bohtosiid 2011:s. Ledje fylkkamánnit geat čađahedje bearráigeahču. Raporta lea ráhkaduvvon 44 suohkana bearráigeahččanraportta vuođul.
Jus mánáidsuodjalusa bargu iskkademiiguin ja veahkkedoaimmaiguin ii menestuva, de sáhttá dagahit ahte mánát hearkkes dilis eai oaččo dárbbašlaš veahki rievttes áigái, ahte álggahuvvon veahkkedoaimmat eai doaimma nu go leat plánejuvvon dahje ahte fuollarihkkun ii fuomášuvvo.
Mánáid vuoigatvuohta gullot leat vuođđoprinsihppa ja guoská buot diliide mat váikkuhit mánnái. Váilevašvuođat máná mielmearrideami hárrái ledje dábálaččat dain bearráigeahččanraporttain gos dáid ledje áican. Lei soaittáhat ahte humadedje go mánáin vai eai.
Fylkkamánnit gávnnahedje láhkarihkkumiid, dahje buoridansurggiid bearráigeahču fáttáid barggus 40:s dan 44 suohkanis.
Fylkkamánnit čuovvolit bearráigeahču ovttaskas suohkaniid ektui.