Njuike váldosisdollui

Váldofállu

Historjjálaš arkiiva Dát sisdoallu lea vurkejuvvon iige ođasmahttojuvvo.

Fylkkamánnit čađahedje 2012:s bearráigeahču das mo pasieanttaid, main lea gassačoalle- dahje maŋŋebuoideborasdávda, čujuhus ja iskkadeapmi gieđahallojuvvo. Fylkkamánniid guovlulaš joavkkut čađahedje bearráigeahču vuogádatguorahallama vuogi mielde.

Jus boasttuvuođat dáhpáhuvvet, de sáhttá dat leat roassun pasieanttaide geain várohuvvo borasdávda dahje eará duođalaš buozanvuohta. Čujuhusaid gieđahallan ja bealuštahtti čielggadan- ja dikšunvuogádat gáibida ahte doaimmahagain leat sihkkaris ja beaktilis pasieantahálddašanvuogádagat. Vuogádagat galget doaibmat bures ja iešguđet geavaheaddjit galget máhttit hálddašit daid. Vuogádagat fertejit addit dárbbašlaš dieđuid geavaheddjiide ja sihkkarastit ahte pasieanttat, main ii leat dábálaš geavat, maiddái čuovvoluvvojit ja ožžot bealuštahtti dearvvašvuođaveahki.

Dát bearráigeahčču lea gávnnahan váilevuođaid sihke das mo spesialistadearvvašvuođabálvalus gieđahallá čujuhusaid fástadoaktáriin ja maiddái siskkáldas čujuhusaid buohcciviessoossodagaid gaskka ja viidáset čujuhusaid doaimmahagaid gaskka.

Dearvvašvuođageahču árvvoštallama mielde ii leat spesialistadearvvašvuođabálvalusas doallevaš stivrejupmi ja dárkkistus vuođđo pasieantahálddašanvuogádagaid ja stivrendieđuid dáfus. Sáhttá ain eahpiduvvot leat go dain dihtosis buot logut, kapasitehta jna. plánema, resursageavaheami ja dakkáriid dáfus.