Njuike váldosisdollui

Fylkkamánni oažžu, iežas rolla bokte bearráigeahččo- ja váiddaeiseváldin, dieđuid dan birra ahte man ollu bággogeavaheapmi dáhpáhuvvá ja guđelágan bággogeavaheapmi geavahuvvo mánáid ektui norgga mánáidsuodjalusásahusain. Raporta čoahkkáigeassá bággogeavaheami gávdnoštumiid ja váiddaáššiid mat leat bággogeavaheami birra mánáidsuodjalusásahusain, maid fylkkamánni lea registreren iežas doaimmas.

Mánáin geat ásset mánáidsuodjalusásahusain lea riekti ahte sin persovnnalaš integritehta suddjejuvvo. Sii galget mearridit persovnnalaš áššiin ja sis lea riekti friddja lihkadit. Muhttin dilálašvuođain lea ásahusaide addon lága bokte riekti geavahit bákku ássiid gieđahallamis, muhto beare jus erenoamáš eavttut leat ollašuhtton. Mánáidsuodjalusásahusat galget doaimmainis eastadit, hehtten dihte bággogeavaheami.

Dearvvašvuođabearráigeahčču áigu čuovvut mielde mo bággogeavaheapmi ovdána. Raportta ulbmil lea addit oppalaš gova dan bággogeavaheamis mii dáhpáhuvvá norgga mánáidsuodjalusásahusain, daid mearrádusaid vuođul maid fylkkamánni lea ožžon ja bággogeavaheami váidagiid vuođul maid fylkkamánni lea meannudan.