Helsetilsynet

Riikkaviidosaš bearráigeahčču somáhtalaš akuhttavuostáiváldimiin ja sin identifiseremis ja divššus pasieanttaid geain lea varramirkkohus (mirkkohusbearráigeahčču) dáhpáhuvai áigodagas 2016–2018. Bearráigeahčču lea čoahkkáigesson Dearvvašvuođabearráigeahču «Sepsis – ingen tid å miste»-raporttas 1/2018.

Fylkkamánnit ledje fuomášan njuolggadusrihkkumiid ja váilevaš pasieantasihkkarvuođa buot guorahallojuvvon dearvvašvuođafitnodagain. Dát raporta čájeha mo dearvvašvuođafitnodagain lei 8 ja 14 mánu maŋŋá gozihangalledeami.

Badjelaš 60 proseantta buohcciviesuin eai leat bohtosat vel ge dohkálaččat su. 14 mánu maŋŋá gozihangalledeami. Muhto eanaš oassi dearvvašvuođafitnodagain ledje bargan bures čuovvolanbargguiguin maŋŋá varramirkkohusbearráigeahču vai sihkkarastet buori pasieantaáimmahuššama mat čuvvot gustovaš njuolggadusaid.

Dán raporttas čilgejit maiddái guovtti buohcciviesu jođiheaddji mo sii barge čuovvolit varramirkkohusbearráigeahču gávdnosiid; mo sii dahke rievdadusaid mat nannejit pasieantasihkkarvuođa. Čielga ja oassálasti jođihangoddi mat dađistaga dustejit pasieantalagaš dearvvašvuođabargiid rievdadusevttohusaid, leat váldon ovdan dehálaš lihkostuvvanbeallin.

Bearráigeahčču lea okta máŋgga gaskaoamis mat galget addit váikkuhanfámolaš ja oadjebas bálvalusa pasieanttaide ja geavaheddjiide. Iešguđet stáhtalaš váikkuhangaskaomiid ferte geahččat oktilaččat.

Fitnodagat fertejit ieža bargat áimmahuššat pasieantasihkkarvuođa.