Gokko leat stuorimus váikkuhusat IKT boasttuvuođain ja ja váilevašvuođain pasieantasihkkarvuhtii.

Dearvvašvuođabargit leat áibbas sorjavaččat – ja eaige birge – iešguđetlágan IKT-neavvuid haga jus galget addit dohkálaš dearvvašvuođaveahki. Dearvvašvuođabálvalusaid digitaliseren čoavdá olu oahpes hástalusaid, muhto sáhttá maiddái mielddisbuktit sávakeahtes dáhpáhusaid.

Sáhttin dihte vuoruhit boahttevaš bearráigeahččobarggu dan suorggis boahtte áiggis lea IKT-vuogádat identifiseren surggiid pasieantadivššus main IKT dahje dasa gulli geavaheapmi lea sivvan pasieantavahágahttimiidda. Dan čohkkejuvvon dieđuid geahčadeami vuođul ráhkaduvvui listu mas leat ovcci dárkilaston ja ráddjejuvvon vára, oktan gullevaš pasieantahistorjjáiguin:

• Pasieanta vaháguvvá danne go dikšu ii dádjat vuogádagas.
• Pasieanta vaháguvvá go leat addán boasttu dálkasa, boasttu meari, boasttu vugiin dahje boasttu áigái.
• Pasieanta vaháguvvá danne go moaiti dieđut eai leat fidnemis (vuollináigi).
• Pasieanta vaháguvvá danne go moaiti dieđut eai leat fidnemis (gaskal dásiid, siskkáldasat ja olgguldasat)
• Pasieanta ii almmut deaŧalaš dieđuid (biras gos mas pasieanta čohkká eastada gaskkusteami, teknologiija – telemedisiidna).
• Pasieanta vaháguvvá danne go iskkusvástádusat eai čuovvoluvvo.
• Pasieanta vaháguvvá váilevaš dieđiheami, dahje dálkkaslaš rusttegiid (MU) geavaheaddjilavtta geažil.
• Pasieantajournálat suđđojuvvojit/vuvdojuvvojit.
• Dearvvašvuođabargit buohccájit ja veajuhuvvet.

Dat identifiserejuvvon várat leat digaštallon olu fágapanelaiguin. Digaštallamiid vuođul fágapanelain lea IKT-bearráigeahčču konkluderen ahte sii sin barggusteaset ovddos guvlui áigot atnit guovddážis dálkkassuorggi teknologiija, vuogádagaid ja applikašuvnnaid mat adnojuvvojit telemedisiinnas dahje dálkkaslaš gáiddusčuovvoleami, ja čuovvoleami bargodábiid ja vuogádagaid iskkusvástádusaid ektui ja váttisvuođaid mat leat čadnon MU geavaheapmái.

Dát raporta lea álgovuođus siskkáldas dokumeanta geavahan várás vuoruhit IKT-bearráigeahču bearráigeahččama. Duogáš almmuhit dan lea ahte mii jáhkkit ahte dan sáhttá maiddái atnit doaimmahusain – iežas kvalitehta ja pasieantasihkkarvuođabarggus.