1. Čoahkkáigeassu

Stáhtahálddašeaddjit ja Norgga Dearvvašvuođaeiseváldi leat čađahan iskkadeami oassin riikkaviidosaš bearráigeahčus ruovttus ássi vuoras olbmuid vuođđodárbbuid fuolaheamis. Iskkadeapmi lea okta máŋgga bearráigeahččandoaimmain mat čađahuvvojit áigodagas 2025 ja 2026.

Iskkadeamis lea guovddážis guđe muddui suohkanat kártejit, hábmejit mihttomeriid, čađahit doaibmabijuid, gozihit pasieanttaid dearvvašvuođadili, ja čuovvolit hedjoneami dárbbašlaš dearvvašvuođavehkiin. Vástádusat addet bearráigeahččoeiseváldái čalbmeravkalangova das movt suohkanat árvvoštallet iežaset barggu.

Fuomášumit čájehit ahte lea riska ahte dearvvašvuođa- ja doaibmadási hedjoneapmi ii fuomášuvvo doarvái árrat. Riska lea čadnon čuovvovaš surggiide:

• Váilevaš kárten dehálaš surggiin
• Ollu doaibmabidjoplánain váilu dehálaš sisdoallu
• Oapmahaččat leat beare unnán mielde
• Ii leat álo doarvái buohccidivššárgelbbolašvuohta
• Váilevaš gelbbolašvuohta sáhttá dagahit ahte hedjoneapmi fuomášuvvo maŋŋit
• Ráddjejuvvon dieđut fástadoaktáriin

Nubbin lávkin ruovttu ássi vuoras olbmuid vuođđodárbbuid fuolaheami bearráigeahččamis áigot stáhta hálddašeaddjit čađahit vuogádatdárkkisteami muhtun suohkaniin.