Tjoahkkájgæsos

Varresvuoda- ja huksodepartemænnta (VHD) åvdås le Varresvuodabærrájgæhtte guoradallam ja analyserim diededimijt alvos dáhpádusáj birra varresvuodadievnastusán. Diedádusán vuosedip ja tjoahkkip guovdásj tállajt diededimårdnigis gitta ådå diededimårdnik varresvuoda- ja huksodievnastusán fábmuj bådij snjilltjamáno 1. biejve 2026.

Duodden vuosedip guokta tiemájda gånnå tjielggip mijá sierra bærrájgæhttjoåtsådallamijt ja ájnas oahppamijt ma li tjanádum alvos dáhpádusájda:

1. Dálkkasij giehtadallam suohkanvarresvuodadievnastusán
2. Tjuovvolibme nissunijs gænna lij alvos hådje riegádime maŋŋela

Maŋemusát giehtadallap Varresvuodabærrájgæhttje prosjevtav: "Bærrájgæhttjo varresvuohta- ja huksodievnastusás máhtudagájn". Varresvuodabærrájgæhttjo le álgadam bargov gåktu åmastit ienep máhtudagáv ja gåktu bærrájgæhttjofábmudahka ienebut máhttá viehkedit åhpadibmáj ja buoredibmáj varresvuohta- ja huksodievnastusán. Dan aktijvuodan ásadijma seminárav gånnå bivddijma oasseválldijt varresvuoda- ja huksodievnastusás, pasiænnta- ja lagámusájåvdåstiddje, bærrájgæhttjefábmudahka åvdåstiddjijs ja dutkijs vidá rijkajs. Ulmme lij tjoahkkit moattelágásj oassálasstijt ájnas vásádusáj ja máhtudagáj, ma máhttin gehtjadit ja dagástallat gåktu alvos dáhpádusá udnni tjuovvuluvvi ja gåktu bærrájgæhttjofábmudagá máhtti viehkedit buorep oatsodibmáj alvos dáhpádusájn ja ienep åhpadibmáj ja buoredibmáj.

Dát diedádus le goalmát diedádus man sisadno le alvos dáhpádusá varresvuoda- ja huksodievnastusán almoduvvam Varresvuodabærájgæhttjos.