Váilevaš ovttasdoaibman, gulahallan ja gelbbolašvuohta duođalaš dáhpáhusaid olis …… sáhtášii go min luhtte dáhpáhuvvat?

Dán raporttas lea Stáhta dearvvašvuođageahčču čohkken vásáhusaid ja ovdamearkkaid čuovvolanbarggus duođalaš dáhpáhusaid dieđihemiid olis maid mii leat ožžon spesialistadearvvašvuođabálvalu sas geassemánu 1. beaivvi rájes 2010 gitta juovlamánu 31. beaivái 2013. Mii válddahit ovdamearkkaid iešguđetge fágasurggiid dieđáhusain ja dáhpáhusain, movt geahččoeiseválddit leat dusten dieđihemiid ja árvvoštallamiid maid geahččoeiseválddit leat čađahan. Dasto presenteret statistihka mas oažžut oppalaš dieđáhuslogu bajilgova fágasurggiid ja dearvvašvuođaásahusaid mielde, ja movt Stáhta dearvvašvuođageahčču lea gieđahallan dieđihemiid.

Spesialistadearvvašvuođabálvalus galgá dieđihit duođalaš ja vuorddekeahtes dáhpáhusaid Stáhta dearvvašvuođagehččui. Dát dieđihanortnet ásahuvvui 2010 giđa maŋŋel go máŋggat duođalaš dáhpáhu¬sat spesialistadearvvašvuođabálvalusas ožžo almmolaš fuomášumi.

Ortnega ulbmil lea ahte geahččoeiseválddit jođánit galget dábu¬hit dieđuid ja oažžut čielgasa duođalaš dáhpáhusain, dat mearkkaša go lea vuorddekeahtes jápmin dahje duođalaš pasieantavahát spesialistadearvvašvuođ abálvalusa divššu olis. Stáhta dearvvašvuođageahčču galgá bargat la¬hkalagabut dearvvašvuođabargiiguin ja guoskevaš buohcciviesuin sihkkarastin dihte ahte relevánta dieđut čohkkejuvvojit sihke ieš dáhpáhusa birra ja das movt ásahus jođihuvvo ja fuolahuvvo. Dáhpáhusa árvvoštallamis galget geahččoeiseválddit maiddái diđoštit ja guldalit pasieanttaid ja oapmahaččaid vásáhusaid. Viidáseap¬pot galget geahččoeiseválddit iskat ja guorahallat dáhpáhusoktavuođaid, árvvoštallat dohkálašvuođa ja seammás ovddidit oahppama bálvalusas. Oppalaččat galget geahččoeiseválddit bargat unnidit riskka ahte seamma áššit dáhpáhuvvet ođđasis, ja nu doarjut bu¬ohcciviesu iežas barggu pasieantasihkarvuođain.

Dearvvašvuođaásahusaid fágabirrasat leat dehálaš ulbmiljoavkkut raportta dáfus. Stáhta dearvvašvuođageahčču háliida ahte raporta galgá ovddidit guo¬rahallama ja digaštallama spesialistadea rvvašvuođabálvalusas pasieantasihkarvuođa birra, váilevašvuođaid riskka birra ja pasieantadivššu buoridanmuniid birra.