Go mánát dárbbašit eanet Fuolahus ja rámmat
Dearvvašvuođageahču raporta – čoahkkáigeassu sámegillii 9/2019
Dán raportta vuođđun leat Stáhta dearvvašvuođabearráigeahččus njeallje geahččoášši main ledje duođalaš dáhpáhusat. Geahččoáššiin leat mánát geat leat hearkkes eallindilálašvuođain Sii gaskkustit iežaset hui hástaleaddji daguiguin ja dárbbašit veahki sihke mánáidsuodjalusbálvalusas ja psykalaš dearvvašvuođabálvalusas. Dát gáibida ahte bálvalusapparáhtas lea alla fágalaš kvaliteahtta, ovttasbargu ja sihkkarvuođadoaimmat.
Go iskagođiimet de lei mis erenoamáš fuomášupmi bálvalusa ovttasdoaibmamii ja mo riskagieđahallan lei. Mii fuomášeimmet ahte lei ollu moalkát hástalusgovva. Ollislašvuohta lea stuorát go osiid submi oktiibuot.
Dearvvašvuođabearráigeahčču oaivvilda ahte váilo fágaidrasttildeaddji doaibmabidju mas lea oktasaš ovddasvástádus erenoamážit dáid mánáide ulbmiljoavkun. Váilot doaibmabijut mat leat doarvái olámuttus, main lea doarvái gelbbolašvuohta ja dárbbašlaš juridihkalaš rámmat iežaset doibmii.