1. Čoahkkáigeassu

Dát raporta lea oassin vuođus joatkit barggu harmoniseret ja buoridit Stáhtahálddašeddjiid áššemeannudeami kvalitehta go bearráigehččet geavahuvvo go bággu ja fápmu doaibmavádjit olbmuid vuostá.      Mihttomearrin lea ahte galget čađahuvvot eanet ja eanet mihttomearálaš bearráigeahčut, ja ahte bearráigeahččanbargu galgá leat mielde buorideame riektesihkarvuođa ja kvalitehta geavaheddjiide.

Raporttas mii čilget fuomášumiid stáhta hálddašeaddjiid barggus báikkálaš bearráigeahčuin Dearvvašvuođa- ja fuolahuslága (HOL) § 12-3 (1) vuođul. Raporta čájeha ahte leat erohusat movt bearráigeahčut plánejuvvojit, čađahuvvojit ja čuovvoluvvojit. Dát guoská ráhkkanemiide, dokumentašuvdnačoaggimii, dasa geaid jearahallet, raportta struktuvrii ja áigái mii geavahuvvo raporttaid čađaheapmái. Dat lea dat sávakeahtes erohusat maid mii deattuhit. Min ulbmil lea maiddái láhčit dilálašvuođaid nu ahte lea álkit ja beaktileappot bargat dákko gokko lea vejolaš. 

Mii leat árvvoštallan bearráigeahččangeavada dálá jagi 2019 (2) bagadusa ektui, ja dakko gokko eai lea čuvvon bagadusa, leat mii analyseren ovddasta go dát sávakeahtes erohusa. Mii addit rávvagiid movt bearráigeahčut sáhttet eanet sáhttet sihkkarastit buoret riektesihkarvuođa geavaheddjiide.

Konkrehta rávvagat leat:

• Ođasmahttit čálalaš rávvagiid čielgaset gáibádusaiguin movt vuoruhit bearráigeahču, ráhkkaneami, dokumentašuvnna ja jearahallamiid.
• Sihkkarastit ahte raporttat bearráigeahču maŋŋel leat oanehaččat, čielgasat ja gárvánit nu jođánit go vejolaš ja ovdal golbma vahku leat gollan. Ráhkadit álkit raportamálliid bearráigeahčuide almmá rihkkokeahttá lágaid.
• Ráhkadit standárdda man dávjá báikkálaš bearráigeahčut galget čađahuvvot, ja sihkkarastit ahte buohkat geain lea bággomearrádus ožžot systemáhtalaš bearráigeahččančuovvoleami.
• Viidásetfievrredit ja ovddidit fásta fágalaš deaivvadanbáikkiid ja jahkásaš kurssaid stáhtahálddašeddjiide buoridan dihte harmoniserema ja oktasaš ipmárdusa njuolggadusain.