Tilsyn med verksemder og helsepersonell – administrative reaksjonar i 2024
I 2024 fekk Helsetilsynet 232 nye tilsynssaker til behandling. Vi behandla ferdig 236 saker der vi førte tilsyn med helsepersonell og verksemder i helse- og omsorgstenesta. Av dei sakene vi behandla ferdig var 158 sendt over frå statsforvaltarane, 27 frå andre land sine tilsynsmyndigheiter og 51 starta hos Helsetilsynet. Median saksbehandlingstid for avslutta tilsynssaker i 2024 var betre enn i 2023, 5,1 månader (5,3).
- Føremålet med tilsynsverksemda vår er å bidra til tillit, sikkerheit og kvalitet. Gjennom tilsyna våre med tenestene, vil vi fremje fagleg utvikling og læring, seier direktør i Helsetilsynet, Sjur Lehmann.
Folk skal kunne ha tillit til helsepersonell. Når helsepersonell er uskikka, er det ei viktig oppgåve for tilsynet å gripe inn. Dette er personar som kan vere til fare, gjer klåre overtramp, og i nokre tilfelle overgrep. Det er heldigvis få, men dei kan gjere stor skade.
Når statsforvaltarane meiner det kan vere grunnlag for rettslege verkemiddel mot helsepersonell eller til verksemder, blir saka sendt over til Statens helsetilsyn som har myndigheit til dette. Det kan vere å avgrense eller kalle tilbake autorisasjonen til helsepersonell eller gi pålegg eller tvangsmulkt til verksemder.
Dei fleste tilsynssakene blir behandla og avgjort av statsforvaltarane, utan oversending. Talet på saker som er behandla av Statens helsetilsyn, er derfor relativt lågt samanlikna med det samla talet saker. Tala for avslutta tilsynssaker hos statsforvaltaren for 2024 er ikkje klare ennå. Dei vil bli publisert i Helsetilsynet sin årsrapport for 2024, som blir offentleggjort medio mars 2025.
Flest reaksjonar til legar og sjukepleiarar
Vi gav 131 reaksjonar til helsepersonell i 2024, mot 151 i 2023. Av reaksjonane var 47 til legar, 39 til sjukepleiarar og 18 til helsefagarbeidarar/omsorgsarbeidarar/hjelpepleiarar. Vi kalla tilbake autorisasjonen til 27 legar. Vidare kalla vi tilbake rekvireringsretten for legemiddel i gruppe A og B til 5 legar. I 2024 gav vi 6 faglege pålegg, som alle var til legar.
Vi kalla også tilbake autorisasjonen til 31 sjukepleiarar og 18 hjelpepleiarar /omsorgsarbeidarar/helsefagarbeidarar.
Suspensjonar og frivillig avkall
Statens helsetilsyn suspenderte autorisasjonen til 13 helsepersonell medan saka deira vart behandla. Det var 21 helsepersonell som gav frivillig avkall på autorisasjonen og 6 legar som gav frivillig avkall på rekvireringsretten for legemiddel i gruppe A og B.
Avgrensa autorisasjon
Vi avgrensa autorisasjonen til 22 helsepersonell, av desse var 9 legar. Avgrensa autorisasjon kan for eksempel innebere at ein lege ikkje kan arbeide som legevaktlege eller berre arbeide innanfor eit avgrensa fagområde eller i ei bestemt stilling.
Tilbakekalling av autorisasjon/lisens
I 2024 kalla Helsetilsynet tilbake 98 autorisasjonar som gjaldt 93 helsepersonell. Dette er 19 færre tilbakekallingar enn i 2023.
Den hyppigaste årsaka til at Helsetilsynet kalla tilbake autorisasjonen er, som tidlegare år, bruk av rusmiddel og åtferd i strid med yrkesutøvinga. Slik åtferd omfattar mellom anna tjuveri av legemiddel.
Vi kalla tilbake autorisasjonen til 5 helsepersonell der uforsvarleg verksemd i form av svikt i medisinske eller pleiefaglege ferdigheiter/kunnskapar, var det einaste grunnlaget. For 27 tilbakekallingar var svikt i medisinske eller pleiefaglege ferdigheiter/kunnskapar eitt av fleire grunnlag for tilbakekallinga. Rusmiddelbruk var det hyppigaste tilleggsgrunnlaget.
Reaksjonar til verksemder – påpeika lovbrot
I 2024 påpeika vi brot på helse- og omsorgslovgivinga overfor 20 verksemder i spesialisthelsetenesta og i den kommunale helse- og omsorgstenesta, mot 24 i 2023.
Helsetilsynet gav i 2024 ingen pålegg om retting eller stenging etter helsetilsynslova § 8. Vi fastsette heller ikkje tvangsmulkt etter helsetilsynslova § 9, jf. spesialisthelsetenestelova § 1-2.
Saker til politi/påtalemyndigheit
Påtalemyndigheit ønsker i mange saker anbefalingar frå fagstyresmakt om straffeforfølging.
I 2024 behandla vi 4 saker der vi ikkje anbefalte straffeforfølging. Vi melde 6 helsepersonell til politiet for vurdering av mogleg straffbart forhold.
Søknad om ny autorisasjon og rekvireringsrett
I 2024 behandla Helsetilsynet 124 søknader frå helsepersonell. Vi innvilga 66 søknader heilt eller delvis og avslo 63. Når ein søknad gjeld både ny og avgrensa autorisasjon, blir begge utfalla registrert. Summen av talet på innvilgingar og avslag er derfor høgare enn talet på behandla søknader.
Vi gav 16 helsepersonell ny autorisasjon utan avgrensingar og 18 fekk avgrensa autorisasjon til å utøve verksemda si under bestemte vilkår. Vi oppheva etter søknad avgrensingane i autorisasjonen til 28 helsepersonell. Fire legar fekk tilbake rekvireringsretten for legemiddel i gruppe A og B.
Klager på Statens helsetilsyns vedtak
I 2024 sende Helsetilsynet over 44 klager på vedtaka våre til Helseklage ved Statens helsepersonellnemnd (HPN), mot 47 i 2023. Av dei klagene vi sende over var 31 klager på vedtak om administrativ reaksjon, inkludert 3 suspensjonsvedtak. Det var 13 klager som gjaldt avslag på søknad om ny autorisasjon/avgrensa autorisasjon.
Helseklage ved Statens helsepersonellnemnd (HPN) behandla 64 klager på vedtaka våre i 2024. Dei stadfesta 53 vedtak, gjorde om 10 og oppheva 1 vedtak. Fem klager vart trekt.
År | Avsluttet med minst én reaksjon | Avsluttet uten reaksjon |
---|---|---|
2015 | 409 | 187 |
2016 | 284 | 144 |
2017 | 324 | 128 |
2018 | 333 | 137 |
2019 | 294 | 115 |
2020 | 220 | 87 |
2021 | 251 | 143 |
2022 | 206 | 82 |
2023 | 165 | 77 |
2024 | 145 | 91 |
Yrkesgruppe |
Faglig pålegg |
Begrenset autorisasjon eller lisens |
Tilbakekall av autorisasjon eller lisens |
Tilbakekall av rekvirerings- rett helt/delvis |
SUM |
---|---|---|---|---|---|
Leger |
6 |
9 |
27 |
5 |
47 |
Tannleger |
|
1 |
2 |
|
3 |
Psykologer |
|
2 |
2 |
|
4 |
Sykepleiere |
|
8 |
31 |
|
39 |
Fysioterapeuter |
|
1 |
3 |
|
4 |
Vernepleiere |
|
1 |
5 |
|
6 |
Hjelpepleiere / omsorgsarbeidere / helsefagarbeidere |
|
|
18 |
|
18 |
Annet autorisert helsepersonell |
|
|
10 |
|
10 |
SUM |
6 |
22 |
98 |
5 |
131 |
Årsaker for tilbakekall av autorisasjon/lisens | Leger | Sykepleiere | Hjelpepleiere, omsorgsarbeidere og helsefagarbeidere | Andre | Sum |
---|---|---|---|---|---|
Helsefaglig svikt i yrkesutøvelsen | 5 | 7 | 9 | 6 | 27 |
Brudd vilkår begrenset autorisasjon | 2 | 1 | 1 | 4 | |
Rusmiddelbruk | 4 | 21 | 9 | 9 | 43 |
Legemiddeltyveri | 14 | 1 | 2 | 17 | |
Seksuell utnytting av pasient/ bruker | 5 | 2 | 2 | 5 | 14 |
Rollesammenblanding | 1 | 2 | 3 | ||
Annen atferd i yrkesutøvelsen | 4 | 4 | 5 | 7 | 20 |
Annen atferd utenfor yrkesutøvelsen | 3 | 1 | 3 | 5 | 12 |
Sykdom | 2 | 1 | 2 | 5 | |
Mistet godkjenning i utlandet | 10 | 4 | 1 | 2 | 17 |
Sum årsaker1 | 36 | 57 | 30 | 39 | 162 |
Antall tilbakekalte autorisasjoner | 27 | 31 | 18 | 22 | 98 |
* Det kan være flere årsaker til at autorisasjon/lisens blir tilbakekalt i en sak. Tallet på vurderingsgrunnlag/årsak er derfor høyere enn tallet på tilbakekalte autorisasjoner/lisenser.
** I noen saker har et helsepersonell fått tilbakekalt flere autorisasjoner (f.eks. både autorisasjon som lege og sykepleier). Tallet på tilbakekalte autorisasjoner er derfor noe høyere enn antall helsepersonell.
Saken startet hos | Antall avsluttede saker | Antall administrative reaksjoner til helsepersonell / påpekte lovbrudd overfor virksomheter | |||||
---|---|---|---|---|---|---|---|
Helsepersonell | Virksomhet | SUM | |||||
Tilbakekall av autorisa-sjon/ lisens | Begrensning av autorisasjon/ lisens | Tilbakekall av rekv. rett i gr. A og/eller gr. B | Faglig pålegg | Påpekt lovbrudd | |||
Østfold, Btuskerud, Oslo og Akershus | 54 | 22 | 8 | 2 | 5 | 37 | |
Innlandet | 15 | 12 | 1 | 13 | |||
Vestfold og Telemark | 22 | 8 | 1 | 1 | 10 | ||
Agder | 6 | 3 | 2 | 5 | |||
Rogaland | 14 | 8 | 3 | 11 | |||
Vestland | 14 | 5 | 1 | 1 | 1 | 8 | |
Møre og Romsdal | 5 | 1 | 1 | 2 | |||
Trøndelag | 7 | 4 | 1 | 5 | |||
Nordland | 9 | 3 | 1 | 1 | 5 | ||
Troms og Finnmark | 12 | 4 | 4 | ||||
Statens helsetilsyn | 51 | 9 | 3 | 1 | 19 | 32 | |
Utenlandsk tilsynsmyndighet | 27 | 19 | 19 | ||||
SUM | 236 | 98 | 22 | 5 | 6 | 20 | 151 |
Merk at noen tilsynssaker avsluttes uten administrativ reaksjon og noen tilsynssaker avsluttes med mer enn én administrativ reaksjon.