Framleis tvil om tvang

I eit landsomfattande tilsyn i 2020-2021 undersøkte alle statsforvaltarane om pasientar som manglar evne til å samtykke og ikkje vil ta imot hjelp, får nødvendig helsehjelp; og at hjelpa så langt det er mogleg, blir gitt utan bruk av tvang. Tilsynet vart gjennomført i sjukeheimar og i heimebaserte tenester i totalt 55 kommunar. I denne rapporten oppsummerer Helsetilsynet resultata og gjer tilrådingar til kommunane om kontinuerleg forbetringsarbeid og om korleis dei skal sikre at pasientar blir sikra nødvendige helsefaglege vurderingar og helsehjelp.