Oppgåver og organisering – Statens helsetilsyn

Oversikt over oppgåvene

Statens helsetilsyn er den sentrale tilsynsmyndigheita for sosiale tenester, barnevern-, helse- og omsorgstenester og folkehelsearbeid. Oppgåvene omfattar:

overvaking av tenesteytinga sett i høve til befolkninga sitt behov for tenester og samfunnet sine krav til tenestene
overordna fagleg tilsynsstyremakt for dei nemnde tenestene
behandling av enkeltsaker som handlar om alvorleg svikt i helse- og omsorgstenestene og der det er aktuelt med pålegg mot verksemder eller reaksjonar mot helsepersonell
styring av den klagesaksbehandlinga som gjeld rett til tenester etter mellom anna barnevernloven, sosialtenesteloven, pasient- og brukarrettsloven, helse- og omsorgstenesteloven og folkehelsearbeid
formidling av tilsynserfaringar til forvaltninga og tenestene

Statens helsetilsyn skal involvere pasienter, brukere og pårørende i alt tilsyn.

Måla for tilsyn og klagebehandling, sjå under Mål og strategiar.

Regelverksutvikling, fagutvikling, gjennomføring av politikk (handlingsprogrammer, handlingsplanar, nytt regelverk m.m.) og publikumsinformasjon ligg ikkje i Statens helsetilsyn. For barnevern ligg desse oppgåvene i Barne-, ungdoms- og familiedirektoratet (Bufdir) og for helse- og omsorgstenester i Helsedirektoratet.

Overordna tilsynsmyndigheit for statsforvaltarane

Statsforvaltarane er tilsynsmyndigheit for sosiale tenester, barnevern-, helse- og omsorgstenester og folkehelsearbeid i sine fylke. Statsforvaltarane blir styrte i administrative saker (budsjett m.m.) frå Kommunal- og moderniseringsdepartementet (KMD), Statens helsetilsyn har den faglege styringa. Dette inneber fastsetting av mål og krav innanfor dei rammene departementa set, utvikle metodar og drive opplæring i tilsyn, rettleie om policy og saksbehandling og sjå til at like saker blir behandla likt i heile landet.

Lovgrunnlag for oppdraget – myndigheit lagt til Statens helsetilsyn

Statens helsetilsyn sitt oppdrag går fram av barnevernloven, helsetilsynsloven, sosialtenesteloven og folkehelsearbeid, sjå under Myndigheit lagt til Statens helsetilsyn. Der finst også lov- eller forskriftsheimel for kvar enkelt sakstype der det vert utøvd myndigheit.

Tilsynsoppdraget for Statens helsetilsyn er gjort greie for seinast i Prop. 91 L (2010–2011) om helse- og omsorgstenesteloven, Prop. 90 L (2010–2011) om folkehelseloven, Ot.prp. nr. 69 (2008-2009) om barneverntenester, Ot.prp. nr. 103 (2008–2009) om sosiale tenester.

Overordna departement og oppgåvene for kvart enkelt år

Helse- og omsorgsdepartementet er overordna myndigheit, og Kommunetjenesteavdelingen har etatstyringsansvaret. Arbeids- og sosialdepartementet har styringsansvar for oppgåver som gjeld sosiale tenester og Barne- og familiedepartementet for oppgåver retta mot barnevernet. Etatstyringa skjer etter "Retningslinjer for virksomhetsstyringen i Helse- og omsorgsdepartementet".

For kvart enkelt år får Statens helsetilsyn oppdrag gjennom forslaget frå regjeringa til statsbudsjett (Prop.1 S) og Stortinget si behandling av budsjettet (Innst. 11 S) fra Helse- og omsorgskomiteen. Oppdraget vert formidla gjennom tildelingsbrevet frå Helse- og omsorgsdepartementet.

Tilsynsmyndigheitene er langt på veg uavhengig av løpande politisk styring, og prioriterer i stor grad sjølv kva tenester det skal bli ført tilsyn med og kva tema tilsynet skal omfatte. Denne prioriteringa skjer blant anna på grunnlag av informasjon om risiko og sårbarheit i tenestene.

Personale og budsjett

Statens helsetilsyn hadde ved utgangen av 2019 121 ansatte som utfører ca. 104 årsverk. Utgiftsbevilgning til drift av Statens helsetilsyn var cirka 142 mill. kr i 2019, og løyvingane blir gitt på kap. 748 i statsbudsjettet.

Organisasjon og leiing, organisasjonsnummer

Tilsynsmyndigheitene sin plass i forvaltninga er vist på organisasjonskart over den sentrale statsforvaltninga og statsforvaltarane.

Statens helsetilsyn har fem avdelingar:

Avdeling for barnevern og sosiale tenester (avd. 1)
Avdeling for kommunale helse- og omsorgstenester (avd. 2)
Avdeling for spesialisthelsetenester (avd. 3)
Avdeling for varsel og operativt tilsyn (avd. 4)
Administrasjonsavdelinga (avd. 5).
Brukerrådet i Statens helsetilsyn

Organisasjonskart for Statens helsetilsyn

Statens helsetilsyn blir leia av direktør Jan Fredrik Andresen og assisterande direktør Heidi Merete Rudi. Kommunikasjonsdirektør er Nina Vedholm og juridisk direktør Anders Haugland. Leiargruppa består av desse og dei fem avdelingsdirektørane.

Leiinga har ansvar for mediekontakt, publisering og anna kommunikasjonsarbeid, overvaking av streik og internasjonalt arbeid.

Avdelingsdirektørane er: Børge Tomter, avdeling for barnevern og sosiale tenester (avd. 1), Anne Myhr, avdeling for kommunale helse- og omsorgstenester (avd. 2), Kirsti Marie Stokkeland, avdeling for spesialisthelsetenester (avd. 3), Anders Haugland, fung. avd.dir. avdeling for varsel og operativt tilsyn (avd. 4), Kirsti Hellesylt, administrasjonsavdelinga (avd. 5).

Høgoppløyste bilete av leiargruppa i Statens helsetilsyn

Jan Fredrik Andresen

direktør

21 52 98 00 CV

Heidi Merete Rudi

assisterende direktør

21 52 99 63 CV

Anders Haugland

juridisk direktør

21 52 99 64 CV

Nina Vedholm

kommunikasjonsdirektør

21 52 99 66

Børge Tomter

avdelingsdirektør

21 52 98 66 48 18 52 28

Anne Myhr

avdelingsdirektør

21 52 99 33 CV

Kirsti Marie Stokkeland

fung. avdelingsdirektør

21 52 99 87

Kirsti Hellesylt

avdelingsdirektør

21 52 98 25

Anders Haugland

fung. avdelingsdirektør

21 52 99 64

Organisasjonsnummer for Statens helsetilsyn er 974 761 394.

Oppgåvefordeling i den sentrale statsforvaltninga

Sjå organisasjonskart for den sentrale statsforvaltninga

Institusjonane i den sentrale statsforvaltninga

Sosiale tenester, barnevern-, helse- og omsorgstenester og folkehelsearbeid hører under tre departement: Arbeids- og sosialdepartementet (sosiale tenester), Barne- og familiedepartementet (barneverntenester) og Helse- og omsorgsdepartementet (helse- og omsorgstenester og folkehelsearbeid), med dei underliggande organa som finns i lenkelista nedanfor.

Arbeids- og sosialdepartementet (ASD)

Arbeids- og velferdsfovaltninga (Nav) (under ASD)

Barne- og familiedepartementet (BFD)

Barne-, ungdoms- og familiedirektoratet (Bufdir) (under BFD)

Bioteknologirådet (under HOD)

Direktoratet for e-helse (E-helse) (under HOD)

Direktoratet for strålevern og atomsikkerhet (DSA) (under HOD)

Folkehelseinstituttet (FHI) (under HOD)

Fylkesnemndene for barnevern og sosiale saker (under BFD)

Helsedirektoratet (Hdir) (under HOD)

Helse- og omsorgsdepartementet (HOD)

Helseklage Nasjonalt klageorgan for helsetjenesten (under HOD, sekretariata til Pasientskadenemnda, Klagenemnda for behandling i utlandet, Preimplantasjonsdiagnostikknemnda, Statens helsepersonellnemnd, Apotekklagenemnda og Klagesaksbehandling i Helsedirektoratet lagt til Helseklage)

Mattilsynet (under HOD m. fl.)

Norsk pasientskadeerstatning (NPE) (under HOD)

Statens legemiddelverk (SLV) (under HOD)